pag-alis.

ngayon hindi na ako nakakulong sa isa o iilang tao lamang.  mas masaya pala. pag mas maraming nasasamahan katulad ng dati. yung walang paglilimit yung walang pagdidikta yung walang pag iisip kung sasamahan mo ba o hindi. yung hindi puro "ui' "hi" "musta"
yung masaya yung may samahan.
yung katulad nung hayskul. katulad noon.
3 taon din akong nanatili sa iilan lang na kasama. mas masaya na naabot mo rin ang ibang tao, yung umaalis ka sa comfort zone. marami kang nakikilala. marami kang natututunan at marami kang naiinspire na tao. nakakatuwa. :")
#kaibigantomgakaibigan

Ang Laban ni Kapitan Selo

Ang hindi pagpansin at kawalang respeto ng mga tao sa salitang “magsasaka” o sa isang magsasaka na mismo , ang naging inspirasyon ng manunulat na si Rogelio Sikat para isulat ang akdang Tata Selo. Mula pa lamang sa pamagat ng akda na “Tata Selo” ating malalaman na ang kwento nito ay nakapokus mismo sa pangunahing tauhang si Selo. Sino nga ba si Tata selo? Si Tata Selo ay isang biyudong magsasaka, mayroong isang anak si saling at napabalitang nakapatay sa kabesa de barangay. Marami sa atin ang hindi nakikita ang kahalagahan ng gampaning ginagalawan ng isang magsasaka sa ating lipunan. Kaya naman ang iilan sa atin ay minamaliit lamang sila tinuturing nasa pinakahuli sa listahan ng hanapbuhay.

            Ang layunin ng pagsusuring ito ay malaman at Makita kung nakipaglaban ba ang katauhan ni Tata Selo sa akda. Nanatili bang talunan si Tata Selo? May punto rin ba sa kaniyang buhay na siya ay lumaban?  Ang katauhan ni Tata Selo bilang magsasaka ang ating susuriin, paano nga ba siya nakipagsabayan sa buhay?

            Upang lalo nating maunawaan ang laban ng tauhang si Selo gagamitin natin ang dulog na binigyang buhay ni Karl Marx ang Marxismo.  Ayon sa website na Wikipedia ang Marxismo ay naniniwalang ang lahat ng mga lipunan ay sumusulong sa pamamagitan ng dialektiko ng pakikibaka ng klase. Ito ang alitan sa pagitan ng klase nag-aari na kumokontrol ng produksiyon at isang mas mababang klase na lumilikha ng paggawa para sa mga kalakal. Kung susuriin ang kahulugang ito lumalabas na ang Marxismo ay nakatuon sa mga pwersang bumubuo ng dibisyon. Mayroong labanan sa pagitan ng dalawang panig na may magkaibang layunin. Tutuklasin natin kung anong laban ang ginawa ng tauhang si Selo.

            Likas na sa buhay ng isang tao ang pagharap niya sa iba’t ibang laban sa buhay. Laban ng pag-ibig, laban ng pamilya, laban ng karapatan, laban ng pagkakakilanlan, laban ng lahi, laban ng teritoryo at marami pang ibang labanan.  At sa bawat pagharap niya sa laban maari siyang magwagi o maging talunan. Ang pagiging isang tao ay pagiging fighter o kabalyero na handang lumaban sa anumang oras sa kahit anong paraan. Si Tata Selo ay may pinaglalaban walang iba kundi ang kaniyang lupaing sinasaka. Ito lamang ang kaniyang kinabubuhay ay ipinambubuhay sa pamilya. Tinanggalan siya na karapatan at wala siyang kalaban laban dahil may kapit ang kaniyang mga katunggali. Pero ito ay hindi ininda ni Tata Selo dahil sa kahalagahan ng kaniyang lupang sinasaka ipinaglaban ni Tata Selo ang kaniyang sarili, karapatan at pamilya. Sino ang mga nakalaban ni Tata Selo? May iba pa bang nakipaglaban maliban sa kaniya? May iba pa bang tauhang naglalaban sa akda?

            Labanan na rin lang ang pinagtutuunang pansin ituloy tuloy na natin ito. Dahil aangkop sa kwento ni Tata Selo ang dulog na Marxismo. Paano? Bakit? Katulad nga ng aking mga sinabi kanina susuriin natin ang iba’t-ibang tunggalian. Labanan ng mayaman o mahirap, tama o mali, nakaangat o kinakawawa at marami pang mga dibisyon sa kwento.

Tata Selo vs. Binatang Mayaman

            Ang binatang mayamang ito ang kauna-unahang umusig kay Tata Selo noong siya ay nasa iskated. Tinatanong niya si Tata Selo kung bakit at paano niya napatay si Kabesang tano. Sa pamamagitan ng pagsasalasay kung ano ang tunay na ngyari simula sa simula ipinaliwang ito ng matanda sa binata.

            Hindi lamang sa kwentong ito na mamayani ang ganitong gawi. Ang ganitong labanan ng mayaman at mahirap ay parang sina Alden Richards at Lauren Young sa Mundo mo’y akin. Ang Lola ni Lauren na si Jackelyn Jose ay hindi sumasangayon sa relasyon ng dalawa dahil sa mahirap lamang si Jerome at mayaman naman si Darlene. Hindi raw tumagma ang status nilang dalawa. Hindi lang naman sa pagibig ang usaping status qou dahil sa kahit anong aspekto nababangga ito. Napaisip ako ano nga kayang palagay o pagiisip ng mga taong mayayaman sa mahihirap?

Tata Selo vs. Presidente o Alkalde Mayor

            Bilang isang opisyal ng pamahalaan hindi na pabayaan ng Alkalde na asikasuhin ang ganitong mga pangyayari. Subalit makikita sa akda na hindi na ata napansin ng alkalde na mas matanda ang kaniyang kinakausap kung bakit? Dahil nangibabaw sa kaniya ang pagiging may katungkulan niya habang inuusig niya sa Tata Selo.

            Hindi naman maikakailala na may iilang mga tao na Powertrip at Over power talaga. Paano ito nagiging sistema? Sa kasalukuyang panahon mayroon tayong dynastiya na tinatawag na ang mga magkakamaganak lamang ang siyang ngapapalitan sa pamamahala sa bansa. Ang Alkalde Mayor ay may pagkakatulad sa mga namumuno sa panahon ni Kabesang Tales naubos na ang salapi na mayroon ang kabesa subalit wala pa ring ngyari. Pinanigan na ng gobyerno ang mga Pari kesa sa isang magsasakang naghihirap na.

Tata Selo vs. Hepe

            Katulad ng Alkalde ginamit din ng Hepe ang kaniyang katungkulan upang ipakita na siya ay mas malakas kaysa sa matanda. Nagawa ng Hepe na saktan si Tata Selo kahit alam nito na siya ay matanda na. Halata ang galit na nangingibabaw sa Hepe habang sinasaktan ang matanda. Ano nga kaya ang nagudyok sa Hepe ng ganun pamamaraan? Ano ang koneksiyon niya sa Kabesa?

            Ang mga Kapulisan sa kasalukuyan ay katulad rin ng mga kapulisan noon. Dahil sa alam nila na walang laban ang mga nasa mababang antas ng lipunan pinagsasamantalahan nila ito. Paano ba sila nagiging mapagsamantala ngayon? Sa pamamagitan ng pangongotong sa kanilang mga nahuhuli. Sa isang palabasa sa telebisyon Love and Lies GMA 7 sa katauhan ni Paolo Contis bilang pulis. Naging kasabwat siya ng may mga kasalanan at pinagtangkaan niya ring angkinin ang ransom money na para sa kidnapping group. Ayon sa balita ni Ian Cruz ng GMA7 (2013) Isang Ploice na nagngangalang Senior Inspector Binayug ang kinasuhan dahil sa pananakit nito at pagtorture sa isang Holdaper noong 2010. Ang suspek ay nahuli na simula noong ito ay nagtago kasama ang ilan pa nitong mga kasamahan na hindi pa rin nakikita. Kung susuriin si Tata selo ay hindi pa gaanong sinaktan ng Hepe kumapara sa balita na tinorture ito habang hubo’t hubad. “Sinapok ng Hepe si Tata selo. Sa lapag, halos mangudngod si Tata Selo.” Larawang ng pagpapasakit ng Hepe kay Tata sElo.

Tata Selo vs. Kabesang Tano

            Si Kabesang Tano ag pinagsanlaan ni Tata Selo ng kaniyang lupain. Sa paglipas ng panahon pinili ng Kabesa na palayasin na si Tata selo dahil tuluyan ng siya ang nagmamay-ari ng lupain. Bukod pa roon ay may iba na raw na magsasaka ng lupain. Hindi naman naisip ng Kabesa na matanda na si Tata Selo at ito na lamang ang kaniyang pinagkukunan ng kabuhayan. Tinungkod ng Kabesa si Tata Selo na may wikang pagpapalayas kaya’t walang nagawa si Tata selo kung hindi tagain ito at ipaglaban ang sarili.

            Kagaya pa rin ni Tata Selo, Mayayaman pa rin ang namumuno sa pagpapatakbo ng isang lupain, sila pa rin ay sikat bilang Don at Donya.Hindi pa rin nabibigyang pansin ang mga taong nagsasaka sa lupain sa halip ay patuloy pa rin sila sa pagasa na mapupunta sa kanila ang lupaing inaalagaan. Ang Hacienda Luisita ang lupaing matagal ng pinagwwawayan sa ating bayan ay nanatili pa rin sa ganoong konstruksiyon. Ayon kay Lim ang 10,000 acres na lupain ng mga Aquino ay ipinaglalaban pa rin sa Supreme Court na mapunta sa mga taong matagal na itong ipinaglalaban para pagmayarian. Ang kaparehong kwento nito ay hindi nalalayo sa Hacienda na pagmamay-ari ng pamilya ni Dr. Jose Rizal na pinagaagawan rin ng mga Prayle at Pamilya ni Dr. Rizal.

            Ang pagpatay ni Tata Selo sa Kabesang Tano ay nagpapakita pa rin ng kaniyang pagkapanalo. Sa ganito mang paraan niya nadaan ang pangyayari, alam niya na ito na ang kaniyang huling sandata para sa malupit na Kabesa.

            Ayon sa BATAS REPUBLIKA BLG. 6657 (1988) Ang programang repormang pansakahan ay nakasalig sa karapatan ng mga magsasaka at regular na mga manggagawa sa bukid, na walang mga lupa, na tuwiran o sama-samang magmay-ari ng mga lupang kanilang sinasaka o sa kalagayan ng iba pang mga manggagawa sa bukid, tumanggap ng karapatang kaparte sa mga bunga niyon. Tungo sa layuning ito, dapat mapasigla at maisagawa ng Estado ang makatwirang pamamahagi ng lahat ng mga lupang pansakahan, na sasailalim sa mga prayoriti at sa matitirang sukat na itinakda ng Batas na ito, na nagsasaalang-alang sa mga konsiderasyong pang-ekolohiya, pangkaunlaran, at pagkamakatarungan, at batay sa pagbabayad ng makatwirang kabayaran. Dapat igalang ng Estado ang mga karapatan ng maliliit na may-ari ng lupa, at dapat maglaan ng mga insentibo para sa boluntaryong pagbabahagi ng lupa.

            Ang mga katulad ni Tata Selo ay nagkaroon na ng laban sa mga nagmamay-ari ng lupa sila na rin ay may karapatan sa lupang sa kanilang sinasaka.

Tata Selo vs. mga Chismoso

            “Naggigitgitan ang mga tao, nagsisiksikan, nagtutulakan. “ Isang Scenario sa akda na nagpapakita ng paguusisa ng mga tao sa kung ano ang tunay na ngyari. “Totoo ba, Tata Selo?” Dinagdagan pa ng mga naguusisa na ito ang tensiyong nararamdaman ni Tata Selo sa mga oras na iyon. Walang tigil sa pagtatanong ng mga ngyari.

            Ang pagiging pakialamero o intrusive daw ay parte na ng tradisyong Pilipino. Hindi masamang mayroon tayong alam. Ang hindi maganda doon ay pag nagiging usisero ang isang tao, pumapasok ang kaniyang pagiging mapanghusga o judgmental. (Great Kirby, 2013) Likas na ata ito sa mga Pilipino, napansin ko rin sa kasi sa mga palabas sa telebsiyon na imbis na magtulong tulong s apagtwag ng saklolo o pulis ang mga tao ay magsisiksikan at magkukumpulan para aunang malaman ang mga ngyayari. Batay na rin sa sariling karanasan sa pagtsitsismis mabilis talaga itong kumalat lalo na kung ang tao ay maraming pingasabihan tungkol rito. Magugulat ka na lamang na alam nan g mga tao nahusgahan ka na ikaw na lamag magisa. Pati na rin ang mga Kaparian ay hindi nakalusot s apagiging tsismoso. Ayon kay Garcia (2013)  Kinondena ni Albay Representative Edcel Lagman ang mga pa­ring ‘tsismoso’ na pati ang sikretong kum­pisal ng mga katoliko ay ka­nila umano ng ibinibisto. Ito ay matapos na sabihin umano ni Father Melvin Castro, Executive Secretary ng Catholic Bishops Conference of the Philippines (CBCP) na napansin nila sa mga katoliko na dumarami ang mga nangungum­pisal ng kasalanan sa paggamit ng artificial contraceptives at hu­mingi ng patawad dito dahil nagising sa matin­ding oposisyon ng simbahan sa RH law. Hindi lamang pala kasi pangkaraniwag tao ang gumagawa nito lahat. Kaya nga siguro mayroong mga palabas tulad ng Showbiz Central, The Buzz, Paparazzi at Madami pang iba.

            Naging malabis ang mga tsismosong ito sa buhay ni Tata Selo. Subalit ang matanda ay hindi ininda ang kalupitang ito. Ginawa niya pa rin ang lahat at ipagsigawan sa buong mundo na siya ay lumaban para mailigtas ang sarili niya.

Tata Selo vs. Isang Bata

            Tanging ang kasipan lamang ng batang ito ang nakaunawa sa kalagayan ng Tata Selo. Pinakita ng tauhang ito ang kababaang loob at pagkakaroon ng unawa sa sitwasyon ni Tata Selo. Ang katauhan ng bata ang nagpamulat sa isipan ni Tata Selo na may pagasa pa rin pala. Paano ito ipinakita ng bata sa matanda? Dahil kahit sa murang edad pa lamang ng batang ito nakitaan na siya ng katapangan sa pagharap sa anumang mga problema sa buhay.

            Ang batang Si Cris “Kesz” Valdez ang tinanghal na International Children's Peace Price Awardee ng taong 2012. Sa gulang na labintatlo, nakalikom ang kanyang “Championing Community Children” ng pondo sa pamamagitan ng pagtitinda ng kandila upang magbigay ng “Hope Gifts” (mga tsinelas, laruan, kendi, damit at pangunahing pangangailangan) sa mga batang nangangailangan sa Lunsod ng Cavite. Natulungan niya ang may sampung libong kabataan na biktima ng pang-aabuso, karahasan at paggawa ang karamihan. Tinutustusan niya rin ang kalusugan at kalinisan, maging ang karapatan ng mga kabataan.

(http://fil.wikipilipinas.org/index.php?title=Cris_Valdez)

Katulad ng bata sa kwento si Kesz ay tumayo na hindi parang isang bata kung hindi matanda. Sapagkat ibinigay niya kung ano nga ba dapat ang iniisip ng isang bata sa kasalukuyan namulat ang kaniyang mata sa katotohanan tungkol sa buhay dito sa mundo.  Ang bata sa kwento at si kesz ay namulat na ang mundo ay hindi katulad ng inaasahang laro ng isang bata. Ang mundo ay puno ng pagsubok na kahit bat aka pa laamng dapat ka ng makatayo sa sitwasyong ito.

            Ang pagkakamulat ng mata ng bata sa katotohanan ang naging sandata niya sa pagtulong sa katauhan ni Tata Selo sa kwento. Ang kwento at eksplanasyon ni Tata Selo ang naging dahilan para sa murang isipan ng bata siya ay mahasa na. Salamat sa tulong ng kwento Tata Selo na naging daan sa pagkamulat ng mata ng bata.

Tata Selo vs. Saling

            Ang anak ni Tata Selo na si Saling ay namamasukan bilang isang katulong kina Kabesang Tano.  Sinasabi ni Tata Selo sa anak na ito raw ay may sakit at kinakailangan ng umuwi. Inutusan din ni Tata Selo ang bata para sunduin si Saling na nasa silid ng Alkalde. Ngunit hindi nagtagumpay ang bata at si Tata Selo hindi nila nasundo si Saling dahil walang sino man ang nkakapasok sa silid ng alkalde. Ano kaya ang kinahinatnan ni Saling para magwika si Tata Selo sa huling bahagi na ang “lahat ay kinuha na sa kaniya”?

Ang karapatan ng mga kababihan at kabataan ay:

Ito ang mga karapatan ng bata sa sumusunod:
1. Bawat bata ay may karapatang mabuhay.
2. Bawat bata ay may karapatang mabigyan ng sapat na pagkain at malinis na tubig
3. bawat bata ay may karapatan magpahayag ng sarili
4. Ang parusang kamatayan at ang panghabangbuhay na pagkakakulong na tinatawag na mga capital punishment ay hindi dapat ipataw sa bata para sa krimen na kanyang ginawa bago siya tumuntong ng 18 taong gulang.
5. Hindi dapat mapasailalim ang mga batasa pagpapahirap at sa hindi makataong mga parusa.
6. Tungkulin ng pamahalaan na bigyan ng proteksyon ang mga bata sa panahon ng giyera.

(http://mrscapua2.blogspot.com/p/pagtataguyod-sa-karapatan-ng-mga-bata.html)

            Si Saling ay alam naman nating minored edad pa lamang at kasapi pa sa katuparan ng karapatan ng kabataan. Ngunit kung oobserbahang maigi ay hindi pa talaga ito nakamit ng husto ni Saling sapagkat sa murang edad siya ay inalipin at pinagsamantalahan ng mga dapat ay tumutulong sa kaniya. Sa halip na pagtulong at pagligatas sa kaniya nakita sa kwento ang pagmamalupit sa kaniyang kahinaan bilang isang babae.

            Ang Ama ni Saling na si Tata Selo ay nagpakita ng pagibig sa kaniyang anak dahil kahit na siya ay nakakulong at wala ng magawang paraan para sa kaligtasan ng anak, pinili pa rin niya na gawan ito ng paraan. Inutusan niya ang bata. Sa huli kahit hindi napauwi sa Saling dahil sa nasa kamay ito ng my posisyon ginawa pa rin ni Tata Selo ang lahat.

Tata Selo vs. Tata Selo

            “Habang nakakapit sa rehas at nakatingin sa labas, sinasabi niyang lahat ay kinuha na sa kanila, lahat ay ang lahat ay kinuha na sa kanila.” Si Tata Selo na pangunahing tauha sa kwento ay hayagang ding nakipagtungali sa kaniyang sarili. Simula ng piliin niyang patayin ang Kabesang Tano para ipagtanggol ang sarili. Ang pagtatanggol niya sa sarili at karapatan ang nagdulot sa kaniya ng pagkikipagtunggali sa iba pang mga tauhan sa kwento.

            Ang akdang Tata Selo ay nagpakita ng iba’t-ibang tunggalian sa mga mamayan ng lipunan. Nagkaroon ng dibisyon sa kung sino ang nagwagi at kung sino ang nagtagumpay sa hamon ng sitwasyon. Sa kwento ni Tata Selo matapang niyang ipangtanggol ang kaniyang sarili dahil naniniwala siya na wala ng patas sa batas. Inilagay ni Tata Selo sa kaniyang kamay ang batas.  Kung ating pagtutuunan ng pansinin ang mga nagingpagtugon ni Tata Selo sa bawat sitwasyon nagpakita siya ng paglaban hanggang sa huli. Hindi lingid sa kaalaman niya na siya ay matanda na at mahina. Nakuha man ang lahat sa kaniya nanatili pa ring matikas siya na ipaglaban ang sarili kahit alam niya na malakas ang may mga katungkulan. Hindi niya inalintana ang kalakasan ng kalaban ngunit ipinagpatuloy ang laban kahit sa lagay niya ay dehado na siya.

Sanggunian:

·         http://greatkirby.blogspot.com/2012/02/tsismoso-ba-ang-pilipino.html

·         http://www.gmanetwork.com/news/video/158740/unangbalita/pulis-na-nakunan-ng-video-na-nananakit-ng-holdup-suspect-binasahan-ng-sakdal

·         (http://mrscapua2.blogspot.com/p/pagtataguyod-sa-karapatan-ng-mga-bata.html)

·         http://www.scribd.com/doc/24818752/tata-selo

·         http://tl.answers.com/Q/Kahulugan_ng_teoryang_marxismo

KINULONG ANG BAYAN

            Ang Bayan ko ay Pilipinas at Ako ay isang Pilipino. Bilang isang Pilipino aking minabuti na piliing suriin ang akda na ito. Kung bakit? Ay para maunawaan ko pa lalo ang tulang ito ng hindi ko lamang kinakanta. Sa halip ay mas malaman ko kung bakit ito dapat kantahin. Ano nga ba ang pinagmulan nito? Ano nga ba ang nais ipahatid nito? Ano ang kahulugan sa likod ng tulang ito? Ang tulang bayan ko ay paulit-ulit na nating naririnig na inaawit o tiutula ngayon naman ay ating alamin kung ano nga ba talaga ang nais ipahiwatig ng tulang ito.

 Ang orihinal na bersiyon ng Bayan ko ay Spanish na isinulat ni José Alejandrino. Si Jose Corazon De Jesus naman ang sumulat ng Tagalog bersiyon nito at nilapatan naman ng awit ni Constancio de Guzman. Marami na ang gumawa ng iba’t-ibang bersiyon nito ng tula may Ingles (My Country) at Spanish (Nuestra Patria), gayundin naman sa kung paao ito aawitin. Ilan sa mga nagpasimuno na kantahin ito ay sina Freddie Aguilar, Lucio San Pedro, Asin at siempre si Constancio de Guzman.

Upang lalo natin itong maunawaan susuriin natin ang akda sa pamamagitan ng Historikal na dulog. Sapagkat makikita naman natin sa akda na ang nakatuon ang mensahe ng tula sa mga pangyayari sa ating inang bayan.

Kung pagbabatayan ang tulang ito kapansin-pansin na marami na talaga ang nagkaroon ng interes sa kantang ito. Nagpasalinsalin na sa bibig ng marami dahil pati sa mga eskwelahan, martsa, pagaalsa o presentasyon ay inaawit ito. Parte na nga ang “Bayan Ko” ng Kasaysayan ng Pilipinas. Kasaysayan na rin lang ang paguusapan ang dulog na ating ilalapat ay Historikal. Sapagkat ating aalamin kung bakit nga ba noon pa lamang ay inaawit na ito sa mga mahahalagang pangyayari sa bayan? Ayon sa website na tagalog.com ang kantang Bayan Ko ay naging pinaka popular na awitin sa Panahon ni diktatoryal ng dating Presidente Marcos.

BAYAN KO

Ang bayan kong Pilipinas

Lupain ng ginto't bulaklak

Pag-ibig na sa kanyang palad

Nag-alay ng ganda't dilag.

At sa kanyang yumi at ganda

Dayuhan ay nahalina

Bayan ko, binihag ka

Nasadlak sa dusa.

Ibon mang may layang lumipad

kulungin mo at umiiyak

Bayan pa kayang sakdal dilag

Ang di magnasang makaalpas!

Pilipinas kong minumutya

Pugad ng luha ko't dalita

Aking adhika,

Makita kang sakdal laya.

Katulad ng adhikaing sinasabi ng tulang ito marami sa atin ang nagnanais na makitang tunay na Malaya ang bayan. Ngunit Paano nga ba nagmula ang pagkakakulong ng bayan?

“At sa kanyang yumi at ganda“ Sinasabi nga sa kanta ang Pilipinas raw ay sadyang may angking yumi at ganda. Kung iisiping maigi hindi ba’t pag ang isang bagay ay may taglay na kagandahan marami ang nahuhumaling at pinagaagawan ito? Tama! Katulad na lamang ng pagaagawan ng ilang mga bansa sa bayan ng Pilipinas. Totoo nga siguro na kahali-halina ang bayan natin katulad ng sinasabi ng tulang ito.

Ang kagandahang taglay ng Pilipinas ay hayag na hayag sa mga likas na yamang mayroon ito. “Lupain ng ginto’t bulaklak” sabi sa tula na may katotohanan talaga. Sapagkat hindi lamang sa yamang mineral mayaman ang Pilipinas dahil maging sa mga natatanging halamang at pananim na mayroon ito. Ilan na riyan ay ang Saging at Mangga na talaga namang paborito ng maraming Pilipino. Magandang tanawin ba kamo? Nariyan ang Undderground River, Boracay White Beach, Pagudpud, Light House view sa Batanes, Chocolotae Hills at marami pang iba. Dahil sa angking kagandahan ng Pilipinas kaya nabuo rin ang kantang “Piliin mo ang Pilipinas” ni Angeline Quinto.

“Dayuhan ay nahalina

Bayan ko, binihag ka

Nasadlak sa dusa.”

Nagsimula ito sa pananakop ng mga ibang bayan sa Pilipinas sa pangunguna’t pagdating ng sikat na sikat na si Ferdinand Magellan sa Homonhon. Ito ay sinundan pa ng ekspedisyon ni Miguel Lopez De Legazpi sa noong 1565. Ang mga kastila ay naghari sa ating bayan sa loob ng 333 na taon. Sa aking palagay ang 333 na taon ng pagkakakulong bayan ang sakit na sinasabi sa tula “Ibon mang may layang lumipad, kulungin mo at umiiyak”. Ang haba ng panahon ng pananakop ng espaniyol ay hindi isang biro sapagkat halos sila na ang bumuo at humulma ng ating sariling lipunan. Wala tayong kalayaan mula sa kanilang mga kamay naka kulong tayo.

At sa naganap ng Digmaang Espaniyol-Amerika tuluyan na tayong nabingwit ng mga Amerikano. Matapos ang 333 na taon sa kamay ng mga Espaniyol tali naman ng mga Amerikano ang humila sa atin. Ang mga Pilipino at Amerikano ay nagkasundo pa na magtulungan na labanan ang espanya ngunit sa huli ay nakita ang tunay na pakay nila sa ating bayan.ang pagsakop na ito ay pinamunuan at pinangunahan nila Taft at Mc Arthur.

Hindi pa napagod ang ibang bayan na sakupin tayo kaya’t naganap ang Ikalawang digmaang pandaigdig na pinangunahan ng mga Hapones. Ang mga Hapones naman na ito ang sumunod na nagbalak sakupin ang ating bayan. Nabuo ang Hukbalahap na naglalayong labanan ang mga Hapones na nasa ating bayan.

Ano nga ba ang pakay nila sa atin? Ano pa nga ba kung hindi ang kagandahang taglay ng Pilipinas. Marami silang maaring gawin at ipagawa sa ating bayan na magbubunga ng malaking tulong at kapangyarihan sa kanilang bansa.

Ang Ikatlong Republika at Malayang Pilipinas ay naitatag matapos mapaalis ang mga mananakop sa ating bayan. Si Pangulong Manuel Roxas bilang unang Pangulo ng Malayang Pilipinas. Ang mga labanan, agawan sa lupa at pamunuan ay hindi pa rin tumigil at natapos. Bawat isa sa mga naging presidente simula kay Pres. Roxas hanggang Macapagal ay nagkaroon ng iba’t-iba at patuloy na mga isyu tungkol sa kasarinlan ng bayan.

Tunay nga ba na Malaya na tayo?

Sa pagsusuring ito natunghayan ko na hindi pa talaga tuluyang Malaya ang Pilipinas. Sinabi nga sa mga unang pagpapakahulugan na ang tulang ito ay sikat na inawit sa panahon ni dating president Marcos. Ano nga ba ang kaganapan sa panahon ni pangulong Marcos? Siya ay namuno sa ating bayan sa mga taon ng 1965-1986 ang kaniyag pamumuno ang nagdala sa Pilipinas sa rurok ng tagumpay. Ang pamunuan ni Marcos noon ay talaga namang maganda dahil siya ang nagpayaman sa ating bayan. Ang kaniyang plano sa bayan ay maganda talaga pero sa bandang huli siya ay naging sakim. (Sonio, 2009) Ang batas military ang nagpatunay ng pagkakakulong mga Pilipino. Ngunit ano nga ba ang batas militar? Ayon sa WikiFilipino website ang Isa sa mga layunin ng pagdedeklara ng Batas Militar ay ang pagtatatag ng isang bagong lipunang makatao, maka-Diyos at makabayan at may pitong haligi. Ito ay ang (1) pambansang pagkakaisa, (2) pambansang pagkakakilanlan, (3)kaunlaran at kasaganaan, (4) demokrasya salig sa maraming paglahok ng tao, (5) katarungang panlipunan, (6) internasyonalismo at pakikiisa sa sanlibutan at (7)kalayaan sa paniniwala. Pitong aspeto naman ang binibigyang-diin ng mga programang pangreporma: (1) ang katahimikan at katiwasayan, (2) lupa at sakahan, (3) kabuhayan, (4) edukasyon, (5) reorganisasyon ng pamahalaan, (6)paggawa at (7) serbisyong panlipunan. Kung pagninilayan ang mga layuning ito maganda ang nais ipahiwatig ngunit sa mga ngyari noong panahon ni Marcos ay saliwa sa kaniyang mga layuning nais. Ang pagawit ng mga mamayang Pilipino sa kantang ito ay nagpapahayag ng kanilang pagnanais na lumaya sa mga kamay ng dating pangulong Marcos. Natigil lamang ang paghahari ng batas militar dahil sa pagkilos ng simbahan na pinangunaha ng dating Santo Papa na si John Paul II.

Ang mga Pilipino ay nakaranas ng iba’t-ibang pananakop, pagsakop ng mga taga ibang bansa at maging ang sariling kalahi. Sa kasalukuyang panahon kung ating susuriin makikita na hindi pa talaga naging lubos ang kalayaan ng mga Pilipino. Hindi pa rin totoong nakakanta o natutula ng mga Pilipino ang mga linyang:

Pilipinas kong minumutya

Pugad ng luha ko't dalita

Aking adhika,

Makita kang sakdal laya.

Hindi pa lubos na nakakamit ang pangarap para sa bayan. May mga lugar pa rin sa Pilipinas na hindi na mga Pilipino ang namamayani ang ilan sa kanila ay Tsino, Hapon at Arabo. Hindi rin maitatanggi na ang mga Pilipino ay mas nagpapahalaga sa mga pamumuhay na meron ang ibang bayan. Paano? Bakit? Sapagkat patuloy tayong nahuhumaling sa mga Koreanoveal, Kpop, Korean Artist, Hollywood stars, Hollywood Songs at madami pang iba. Hindi man hayagan ang pananakop na ito kinakikitaan pa rin ito ng kalamangan ng ibang bayan sa ating bansa.

Ang mga Pilipino sa kasalukyang panahon ay nahohook pa rin sa kabuhayang mayroon ang ibang bayan. Ag kasaysayan ng walang laying Pilipinas ay wala pa ring kalayaan sa kasalukuyang panahon. Hindi man tayo literal na sakop ng malalaking bansa sakop naman tayo sa paraan kung paano tayo mabuhay. Ang pamumuhay ng mga Pilipino ay nagpapakita ng buhay na may pananakop pa rin.

            Ang mga Pilipino sa kasalukuyan ay bumubo pa rin ng kasaysayan ng may pananakop. Pananakop ng mga taga ibang bansa hindi man sa literalna paraan sa kagustuhan at sosyalidad na pamumuhay.

Sanggunian:

·         http://en.wikipedia.org/wiki/Bayan_Ko

·         http://fil.wikipilipinas.org/index.php?title=Batas_Militar

·         http://tl.wikipedia.org/wiki/Kasaysayan_ng_Pilipinas

·         http://www.lis.dar.gov.ph/home/document_view/3017

Pagsusuri :)

Pagsipat-Peminista ni Rizal sa Katauhan nina Maria Clara, Salome at Sisa

            Ang kakaibang paraan ni Dr.Rizal sa Pagbuo ng Ideya, Persepsiyon, Pananaw, Obserbasyon at Pagsusuri ay talaga namang kahanga-hanga.  Ang Pananaw ni Dr. Rizal sa mga Pilipino ay nagkaroon ng malaking epekto sa pagbuo ng katauhan at pagkakakilanlan ng mga Pilipino. Kung ating susuriing mabuti malalaman natin na sa mga akda ni Dr. Rizal inilarawan at binigyan niya ng simbolismo ang mga kaugaliang kaniyang naobserbahan sa mga mamayang Pilipino. Isa na nga rito ay ang pananaw ni Dr. Rizal sa mga Dalagang Pilipino sa kaniyang Panahon.

 Ayon kay Franco (2009) Mahihinhin, Malalambing at Mababait ang paglalarawan ni Dr. Rizal sa mga kababaihan noong kaniyang panahon. Nakita niya rin ang mga implikasyong ito sa isang Babaeng Pilipina palagiang pagsunod sa awtoridad nang walang pagkwestyon, na siyang nagiging dahilan naman ng pananatiling ignorante. Ang Pag-aaral noong panahon ni Dr. Rizal ay ipinagkait rin sa mga Pilipina na taliwas sa mga nakita niya sa mga pinuntahang lugar partikular na ang Alemanya. Hindi naging maganda ang naging unang pananaw ni Dr. Rizal sa mga Kababaihang Pilipina sa kaniyang panahon sapagkat kaiba ito sa mga  naobserbahan niyang kilos at pamumuhay ng mga babae sa Alemanya. Ayon parin kay Franco (2009) Naobserbahan raw ni Dr. Rizal na sa bansang Alemanya raw ang mga kababaihan ay mga babaeng palaban, ang iba ay mas brusko pa ngang kumilos kaysa sa mga lalake. Sila rin ay seryoso at masipag sa pag-aaral, at hindi nila masyadong pinapahalaghan ang kanilang panlabas na itsura, gaya ng kanilang mga damit o mga alahas sa katawan. Naikumpara ni Dr. Rizal ang mga Kababaihang Pilipina sa mga taga-Alemanya. Batay kay Dr.Rizal ang mga kababaihang Pilipino sa halip na pag-aaral at pagkatuto ang kanilang kinahuhumalingan, ay mga bagay na patungkol sa damit, mga bagay na materyal ang iniintindi. Gayun din niya tinignan ang mga babae sa sentro na para bang hindi raw mabubuhay ng walang tumutulong sa kanila kahit pa sa pagbubukas lamang ng payong.

            Ang pananaw na ito ni Dr. Rizal ay nagbago ng mabasa at mabalitaan niya ang tungkol sa liham ng mga Kababaihan ng Malolos. Ngunit, Ano nga ba ang laman ng liham na nagpabago sa pananaw ni Rizal? Ayon kay Rizal ang mga kababaihang taga malolos ay mayroong mulat na kaisipan sa tunay na sitwasyon at kalagayan ng bayan. May mga kababaihan na raw pala na nakakaunawa ang relihiyon ay hindi lang pagdarasal, pagnonobena, pagrorosaryo at paghawak ng bibliya ngunit mas mahalaga
ang pagkakaroon ng magandang ugali, matibay na paninindigan, tuwid na panghuhusga at ang pagkamasunurin ay hindi lamang sa mga prayle kundi ang pagsunod din sa kung ano ang makatwiran at tama. (David, 2006) . Ang mga kababaihang taga-Malolos ay may mga kaya sa buhay  kaya’t kung iisipin bakit pa nila gugustuhing matuto ng Espanyol? Bakit pa nila ninais ang Edukasyon? Dahil rito nagbunga lalo ng kasiyahan kay Dr. Rizal ang mga naganap na ito. Ang liham rin ni Dr. Rizal ay nagpatibay na ang mithiin sa karunungan ng mga Kababaihan ng Malolos ay patunay na mulat na sila sa kanilang tunay na tungkulin sa Inang Bayan.

Alam din naman natin na si Dr. Rizal ay nagkaroon ng mga babaing karelasyon. Kanino pa ba niya malalman, makikita at maoobserbahan ang katangian ng isang babae? Ang mga mabubuting katangian ng isang babae para kay Rizal ay matatagpuan din sa mga babaeng minahal niya. Halimbawa ay kay Nelly Bousted na matalino at may malawak na pananaw sa buhay kay Josephine Bracken naman ang kakayahan sa pagtitiis at disiplina sa sarili. (Franco, 2009) Hindi rin natin maitatanggi na Ang Pinakamamahal na Ina ni Dr. Rizal ang pangunahing pagkakakilanlan niya sa isang babae. Ang inang si Donya Teodora Alonzo ay ang mapagmahal, mapag-aruga, mapagkalinga at naging guro mismo ni Dr. Rizal. Gayun din ang isa pang babae na mahalaga sa buhay ni Dr. Rizal at sinasabing pinakmamahal niya higit sa lahat ay si Leonor Rivera. Sino nga ba si Leonor Rivera?  Ayon kay Bautista (2008) Isang magandang dalagang pinsan ng ating pambansang bayani na taga-Camiling, Tarlac. Unica hija o tanging anak ng mag-asawang Antonio Rivera at Silvestra Bauzon. Mahinhin kumilos. Maputi o flawless ang kutis ni Leonor Rivera. May katangi-tanging kagandahan. Kaakit-akit at maganda ang kanyang tindig bagamat may kababaan nang kaunti. Matalino at may maliwanag na pagkukuro.

                        Ang mga Pananaw na ito ni Dr. Rizal sa Mga Kababaihan ang naging pamantayan ng kanyang Pananaw na Peminista sa nobela niyang Noli Me Tangere. Dahil nga sa pagiging mapagmasid at mapanuri ni Dr. Rizal nailapat niya ito sa pagbuo ng mga tauhan sa nobela. Kung pag-aaralan mabuti iba’t-iba nga talaga ang maaring madapuan at maparinggan ng nobela ni Dr. Rizal. Ito ay maaring maging tungkol sa mga tao, kilos, lugar, tradisyon, relihiyon, sitwasyon at mga pangyayari.

            Malalaman natin sa Pagsusuring ito kung paano pinagbatayan ni Dr. Rizal ang kaniyang sariling mga naranasan sa pagbuo ng katauhan ng tatlong kababaihan sa nobela, sina Maria Clara, Sisa at Salome. Ang Peminismong pananaw ni Dr. Rizal sa tatlong (3) napiling tauhan ang ating pokus sa Pagsusuri. Bago pa man patuloy na pasimulan na ilatag ang mga datos, atin munang alamin kung ano ba ang salitang Peminismo? Peminismo ang mga kababaihan ang nasa sentro ng kwento. Dito ipinapakita ang kahinaan, kalakasan, at maging katayuan nila sa lipunan (Gallardo, 2013). Samaktwid ang Peminismo ay tumutukoy sa Babae at wala ng iba pa. Ating aalamin kung paano nilikha ni Dr. Rizal ang tatlong tauhan na mayroong pananaw ng Peminismo.

Si Mari Clara Delos Santos

            Ang istruktura ng salitang Maria Clara sa pagiisip ng karaniwang Pilipino ay Mahinhin, Kimi, hindi makabasag pinggan, Tahimik, Maganda at Masunurin. Ganyan ang ating konstruksyon ng salitang iyan na palagi nating naririnig na ginagamit ng mga matatanda. Sino nga ba ang tunay na Mari Clara? Sa nobelang Noli Me Tangere siya ay ang kasintahan ni Crisostomo Ibarra na Anak nina Donya Pia Alba at Padre Damaso na Pinalaki naman nila Kapitan Tiyago at Tiya Isabel.  Si Maria Clara ay galling sa mayamang pamilya, may kapangyarihan at tanyag sa lipunan. Maraming mga Kalalakihan ang nahuhumaling sa kanyang kagandahan. Ngunit, ang tunay na Mari Clara ay nagtatago sa likod ng kayang pamapay at panyo. Paano? Sapagkat siya ay masunuring anak, imbis na gawin ang mga nais ay nakakulong na lamang sa alituntuning itinakda ng kaniyang lipunan. Si Tiya Isabel na nagaalaga kay Maria ang nagnanais na matupad ang kaniyang pagmomongha. Karagdagan pa nito ang Kabanatang Suyuan sa Asotea rin ang nagpakita ng isa pang tagong paguugali ni Maria Clara ang pagiging malambing nito na siya pang nangunguna sa Pagyakap kay Crisostomo Ibarra. Kapansin-pansin din ang kababaang loob ni Maria Clara ng tulungan niya ang isang ketongin sa labas ng simbahan. Ibinigay niya rito ang kaniyang kwintas na may agnos na ibingay ni Kapitan Tiyago sa kanya. Si Maria Clara ay naglalarawan sa isang matapat na kaibigan para sa mga kasakasama niyang sina Andeng, Sinang at Victoria. Isa lamang ang hindi gaanong napansin kay Maria Clara siya ay hindi nagbibigay ng opinsyon tungkol sa simbahan o sa pamahalaan. Si Maria Clara ay naging representasyon ng mga babaeng sumusunod ayon sa sinsabi ng kaniyang lipunan.

Si Salome

Si Salome ay isang ulila, mahirap, karaniwang miyembro ng lipunan, indio kung tawagin, subalit mapangahas, matatag, matapang, may paninidigan at sumusuong sa anumang hamon ng buhay. Ang mga pangyayari sa buhay ni Salome ang nagpapakita kung sino talaga siya. Paano? Nakatira siya tabing ilog, mag-isa lamang siya at walang kasamang pamilya. Sa kabila ng paghihirap naghahanapbuhay siya para matustusan at mabayaran ang utang na iniwan ng kaniyang mga magulang. Karaniwang pananamit para sa isang dalagang nakatira sa tabi ng ilog tagpi-tagpi at may sulsi. Sa kabanata 25 Ipinakita ni Salome na tapat siya sa pag-ibig ni kay Elias, sapagkat hinayaan niya ito na gawin ang kaniyang tungkulin. Bago pa man magananap ito pinapangarap na ni Salome ang simpleng pamumuhay kasama si Elias, gusto niya na lumayo na lamang sila para bumuo ng isang masayang pamilya. Ang mga pangarap na ito ni Salome ay naglaho ng magdesisyon si Elias na gawin ang kaniyang tungkulin. Nanatiling nakatayo, nakatitig sa mga mata ni Elias ang matapang na si Salome. Ipinakita niya na handa siyag ibigay ang lahat para sa kaniyang matapat at disiplinadong pagibig. Ang karakter ni Salome ang nagbigay ng magandang hamon para sa karakter ni Elias sapagkat sa Kabanata X nga ipinakita ang matinding pagibig ng dalawa para sa isa’t-isa. Hindi man naging matagumpay ang para sa kanilang dalawa ay nakayanan nila na ipagpatuloy ang buhay kahit pa sa naudlot na pagibig. Naging matagumpay ang paghihiwalay ng dalawa hindi ito humantong sa mga maaksiyon at mahirap na hiwalayan. Dito ipinakita ni Salome ang kaniyang tunay na katapangan at katapatan para sa pagibig. Si Salome ay larawan ng isang matapang na Pilipina na handa ring isakripisyo ang bahagi ng buhayp para sa kaninyag mahal na bayan.

Si Narcisa

            Si Narcisa ay ang ina ng dalawang Sakristan na si Crispin at Basilio. Pedro naman ang pangalan ng kaniyang asawa. Si Pedro ay sugarol, sabungero at amang walang pagmamahal para sa pamilya. Subalit dahil sa pagmamahal nanatiling Martir si Sisa sa lahat ng pananakit ng kaniyang asawa.  Sa kabila ng mga pananakit ng asawang si Pedro nagpapakita pa rin siya ng lubos na pagmamahal sa kanyang mga anak. Hindi natahimik hanggang mahanap at muling makasama ang kanyang mga nawalay na anak. Isang gabi nga noon ay ipinaghanda ni Sisa ang kaniyang mga anak dahil alam nito na uuwi ang mga ito kasamaang palad ay kinain ito ng kaniyang asawa na si Pero bigla na lamang itong dumating at inubos ang inihanda para sa mga anak. Hindi nanlaban si Sisa sa ginawa ng asawa, mapalad na lamang siya dahil hindi siya nabugbog nito. Hindi nalaman ni Sisa ang tunay na ngyari sa mga anak ng gabing iyon dahil hindi naman inilahad ni Basilio ang mga totoong pangyayari. Kinabukasan ay nagpunta siya sa Simbahan at nagulat na lamang dahil wala raw doon ang anak na si Crispin. Hindi makapaniwala si Sisa sa ibinibintang nilang ginawa ni Crispin pero mas masakit para sa kaniya na hindi na niya malaman kung nasan na ang kaniyang anak. Napailalim ang katauhan ni Sisa sa isang lipunang Patriarkal, may asawa nga wala naming nagagawa at halos hindi na talaga niya masandalan sa buhay. Ang mga pangyayaring ito sa buhay ni Sisa ang nagdulot sa kaniya ng malaking depresyon. Isang ina na nagmahal ng labis sa mga anak ang tuluyang nawala sa katinuan ng mawala rin ang kaniyang mga anak. Si Sisa ay naging representasyon ng mga dakilang ina sa lipunan na nagbigay ng tunay na kahulugan ng pagiging ina sa batayan ng pagmamahal sa kaniyang pamilya.

            Dinamiko, Kakaiba ang pagkakabuo at talagang may importansiya sa lipunan ang mga kababaihan sa nobela ni Dr. Rizal. Ito ay naglarawan sa mga tunay na babae sa kaniyang panahon maging sa kaniyang personal na buhay. Hindi lamang nagpokus si Dr. Rizal sa isang anyo ng babae sa halip ay ipinagyaman niya ng hulma sa bawat isang babae sa nobela. Ipinakita ni Dr. Rizal ang kaniyang Pananaw Peminismo sa nobela batay sa kung paano niya hinulma ang mga tauhan sa nobela. Hindi maikakaila na may lawak at kakaibang dimensiyon ang pagtingin ni Dr. Rizal sa mga kababaihan hindi lamang sa iisang anggulo bagkus sa lahat. Sa aspekto ng pagiging mayaman, mahirap, may katayuan sa lipunan, simpleng Ina, simpleng babae, at sa kalagayan ng isang babaeng umiibig. Hayag ding ipinakita ni Dr. Rizal ang tunggalian sa katauhan nina Maria Clara at Salome sapakat ipinakita niya rito ang dalawang magkaibang pagtingin sa isang babae panlabas, panloob at sa paguugali. Kabahagi pa rin ng paglalarawan at representasyon ni Dr. Rizal ang panahon bago dumating ang kolonyal at inihayag nga niya ito sa katauhan ni Sisa. 

            Aking Iuugnay ang tatlong katauhang aking sinuri sa tatlo ring pinakamahalagang babae sa buhay ni Rizal. Unahin nating suriin ang katauhan ni Maria Clara masasabi na siya ay may pagkakatulad kay Leonor Rivera dahil sa ilang mga pangyayari. Ipinakasal kay Henry Kipping na ipinilit ng ina ni Leonor Rivera. Si Maria Clara naman ay pinipilit ng kaniyang ama na si Padre Damaso kay Linares. Namatay si Leonor Rivera matapos ipanganak ang pangalawang anak kay Kipping samantalang si Maria Clara na hindi natuloy ang kasal kay Linares ay nauwi sa pagmomongha at hindi kalaunan ay nagkasakit at namatay. Ayon nama kay Bautista (2008) si Leonor Rivera ay ang Maria Clara sa Noli me Tangere sapagkat para rito raw ang sulat ni Crisostomo kay Maria Clara. Ang liham na ginawa ni Rizal sa katauhan ni Ibarra ay para talaga kay Leonor Rivera at ang mga pangyayari sa Suyuan sa Asotea ay tungkol sa pagpapahalaga niya sa mga alaala ng walang hanngang pagibig kay Leonor Rivera.

            Pangalawa ay si Salome at Josephine Bracken, Paano? Hindi ba’t si Rizal ay namatay na gumagawa para sa bayan? Gayundin sa kaso ni Elias na kasintahan naman ni Salome, namatay na hinahanap ang kalayaan at sagot sa problema ng bayan. Ang pinagkaiba lamang ng dalawa ay nagpatuloy ang pagibig ni Rizal at Bracken na pinatunayan ng isang tula na ginawa ni Rizal para sa iniibig. Ang pagibig nila Rizal at Bracken ay dumaan rin sa maraming pagsubok sapagkat ang bata pang si Josephine ang naging nurse sa may mga sakit sa panahon ng digmaan. Tintulungan niya si JOE (Dr. Rizal) sa mga pangagamot nito sa mga sugatang kababayan. Hindi rin sila ikinasal noong nasa dapitan pa lamang sila, kaya’t sila ang nagkasal sa isa’t isa. Nagsama silang parang magasawa noong nasa dapitan pa lamang sila. Karagdagan pa nito ay ang panahon kung saan si Dr. Rizal ay binaril na, naiwang magisa si Josephine dahil sa namatay rin ang kanilang anak. Sa kabilang banda si Salome na magisa sa matagal na panahon umasang pipiliin siya ni Elias subalit nagkamali siya naiwan pa rin siyang magisa at umuw na sa bayan ng Mindoro. Magkagayon man ay matapang hinarap ng ni Salome ang buhay sapagkat sanay na naman siya na magisa. Ang dalawang babae na ito sa magkaibang panahon ay nagkaroon ng pagkakapareho sila ay may angking tapang at paninindigan.

            Pangatlo ay si Sisa at ang inang Si Dr. Teodora Alonzo na parehong may hindi matatawarang pagibig sa kanilang pamilya. Bata pa lamang ang magkakapatid na Rizal ay alagang alaga na sila ng kanilang Ina, at siya ay naging guro pa ni Rizal mismo.siya rin ay direktang tumutulong sa kanilang pangkabuhayan at nagpaplano para sa kanilang gastusin sa araw-araw. At isa pa rito ay yung pagpilit palakarin si Donya Teodora Alonzo ng nakapaa mula Calamba hanggang sa Sta. Cruz dahil sa pinagbintangan siyang kumamkam sa sariling lupain.Pinahirapan ng husto ang ina ni Dr.Rizal upang magisa itong humarap sa mga problema ng kanilang pamilya.  Gayundin ang Makita niya mismo ang pagpapahirap sa kanyang anak na s Dr. Rizal ng barilin ito sa Luneta. Sakripisyong matatawag ang lahat ng ginawang ito ni Donya Teodora para sa kaniyang pag-ibig sa pamilya. Hindi man naging baliw si Donya Teodora tulad ni Sisa naging malapit pa rin ang kwento ng dalawa. Sa buhay naman na kinaharap ni Sisa sa pagkawala ng anak, ang pagpapahiya sa kaniya ni Donya Consolascion at ang paglalakad lakad niya sa bayan ng San Diego para sa paghahanap sa mga nawawalang anak. Ang pagmamahal na ipinakita ng kaniyang pagaalaga at pagaaruga sa mga anak. Nawala sa pagiisip si Sisa dahil sa labis na pangungulila sa mga anak, samantalang nagpatuloy ang buhay at paglaban para kay Donya Teodora na naging inspirasyon ang anak niyang si Dr. Rizal.

            May iba-iba tayong pananaw kung papaano natin nakikita ang katauhan ng mga tao sa paligid natin. Pero katulad ni Dr. Jose Rizal napakayaman ng kaniyang mga akda na kinakitaan ng mga pangyayari sa kaniyang tunay na buhay. Mga pangyayari na pwdeng magugnay bago ang nobela, habang ginagawa ang nobela, matapos ang nobela at pati na rin ang matapos ang buhay ni Dr. Jose Rizal. Ang pananaw ng ating bayani sa kahalagahan ng mga babae sa lipunan ay sinariwa, nilarawan at inirepresenta niya ayon sa kaniyang mga karanasan, nabasa, naobserbahan at nakasalamuha. Sa ginawa niyang nobela hindi siya nagpokus sa isang kasiraan o kataasan ng isang babae lamang bagkus ipanakita niya ito sa iba’t-ibang paraan at mga tauhang babae. Masasabi ko na hindi lamang ang mga pangyayari sa nakaraan ang maaring iugnay sa mga kababaihan sa nobela maging sa hinaharap. Inilalarawan pa rin ng mga ito ang mga babae sa kasalukuyang panahon. Kumbaga ang nobela ni Rizal para sa akin ay maaring Makita sa lahat ng edad, panahon at pangyayari kung bubukasan mo lamang ang iyong mga mapanuring mata. 

pasimula

bakit ko nga ba ginawa ang blog na ito? actually gusto ko talaga na maibahagi ang mga personal na karanasan ko sa aking buhay. . .  hihi bakit? kasi alam ko. alam ko na kakaiba ang buhay ko paano ko nasabi? dahil Diyos ang bumubuo nito.. Siya ang nagbabago at nagdidisenyo.. :)
gusto kong maibahagi ang aking kakaibang buhay :0 bakit? para makapaginspire ng iba, para mapakilala sa mga tao ang Diyos na bumuo ng buhay ko :)
sa ngayon ayan muna.. <3